Aksidentohet një kamion me një veturë në Gjakovë, lëndohet një person
Të paktën shtatë persona humbën jetën dhe dhjetëra janë lënduar nga stuhia Ciaran që goditi Evropën perëndimore me rri të rrëmbyeshëm dhe me erëra deri në 200 kilometra në orë, ), duke dëmtuar shtëpitë, duke bërë që shkollat të mbyllen derisa linjat ajrore dhe kompanitë e trenave ndaluan shërbimet.
Një shofer kamioni u vra nga një pemë që u rrëzua në Aisne të Francës veriore, thanë autoritetet të enjten, ndërsa më shumë se 1.2 milionë njerëz humbën furnizimin me energji elektrike, duke përfshirë rreth gjysmën e popullsisë së Brittany.
Një burrë 70-vjeçar vdiq në Le Havre pasi ra nga ballkoni i tij në një incident që policia e përshkruan si të lidhur me erërat rekorde të stuhisë Ciaran, ndërsa në Spanjë një grua u vra kur një pemë u rrëzua mbi të në qendër të Madridit dhe tre persona pësuan lëndime.
Dy persona humbën jetën në qendër të Ghentit në Belgjikë, pasi u goditën nga rrëzimi i degëve nga pemët. Njëra nga viktimat ishte pesë vjeç, ndërsa tjetra ishte një grua 64-vjeçare gjermane që kishte vizituar Belgjikën. Një i tretë u plagos rëndë në qytetin port të Antwerp kur një mur i lartë u rrëzua nga erërat rekord, thanë autoritetet.
Në Holandë një person u shtyp për vdekje nga një pemë në Venray në provincën jugore të Limburgut, thanë mediat lokale. Të paktën 10 persona të tjerë u plagosën nga mbeturinat që fluturonin në të gjithë vendin, të paktën tre në gjendje të rëndë.
Blauer Himmel aber wildes Wasser#Helgoland pic.twitter.com/NsBm4BYtwS
— Rainer Battefeld (@RainerBattefeld) November 2, 2023
Shërbimi gjerman i zjarrfikësve tha gjithashtu të enjten se një grua 46-vjeçare nga Bavaria, e cila ishte në pushime me burrin dhe dy fëmijët e saj, ishte vrarë nga një pemë që i ra teksa po ecte pranë Rammelsberg në malet Harz.
Në rajonin qendror të Italisë, Toskana, të paktën tre persona humbën jetën për shkak të paralajmërimeve të motit në një pjesë të madhe të vendit. Presidenti toskan Eugenio Giani tha se dy persona vdiqën në komunën e Montemurlo, rreth 25 kilometra në veriperëndim të Firences, ku lumi u vërshua. Një person i tretë vdiq në Rosignano në bregdetin Toskan.
⚡🇮🇹 #Italy – More Videos of major Flooding in North Italy.#Toscana #Tuscany #Pisa #WeatherAlert #StormCiaran pic.twitter.com/TyMMjdbwK9— X News Monitor (@xNewsMonitor) November 3, 2023
Ndërsa dallgët e mëdha u përplasën në portet dhe brigjet franceze, 15 persona, duke përfshirë shtatë zjarrfikës, u plagosën nga rrëzimi i pemëve, kryesisht në Brittany, ku autoritetet në Finistere u kërkuan njerëzve të qëndronin në shtëpi për të shmangur erërat me shpejtësi 207 km/h.
Autoritetet lokale mbyllën parqet, pyjet dhe bregdetin, trenat lokalë u anuluan dhe të gjitha rrugët në Finistere u mbyllën. Më shumë se 1,300 njerëz u zhvendosën, kryesisht nga vendet e kampeve, dhe disa shtëpi u evakuuan në Brest pasi një vinç u përmbys. /Telegrafi/
