Megjithëse fluksi i pikut turistik veror nuk ka nisur ende, numri i atyre që vijnë në Shqipëri me traget përmes Durrësit ka shënuar rritje që në tre muajt e parë të vitit.
Sipas Autoritetit Portual Durrës, gjatë periudhës Janar-Mars kanë hyrë gjithsej 109,772 pasagjerë, 16% më shumë krahasuar me të njëjtën periudhë të vitit të kaluar.
Mes personave që hyjnë kryesojnë shtetasit e huaj të cilët mbërrijnë në vendin tonë për qëllime turistike.
Referuar prenotimeve përgjatë muajve të Verës sipas agjensive të udhëtimit, numri i shtetasve që do të zgjedhin linjën detare thuajse do të dyfishohet krahasur me nje vit më parë.
Krahas udhëtarëve, importet e mallrave gjithashtu kanë shënuar një rritje prej 3% gjatë këtij viti, duke arritur në 1.2 milionë tonë mallra./Tv Klan
