Këto ditë te Juve janë shumë të nxehta. Jo vetëm sepse nesër është ndeshja thelbësore kundër Napolit, por edhe sepse projekti teknik i Pirlos fillon të kërcasë dhe të zgjojë dyshime. Duke pasur parasysh rezultatet, pozicioni i “Maestro” nuk është i garantuar. Thashethemet për një kthim të mundshëm në Torino të Massimiliano Allegri po bëhen gjithnjë e më këmbëngulëse. Një kthim që, sipas “Don Balon”, ka marrë tashmë dritën jeshile nga Cristiano Ronaldo.
Duhet thënë se Andrea Agnelli, sigurisht nuk ka nevojë për mbështetjen e CR7 për të marrë vendime në lidhje me klubin, por sigurisht miratimi i portugezit mund të peshojë në kontekstin e një ndryshimi të mundshëm të kursit në aspektin teknik para përfundimit të sezonit. Dhe në Spanjë nuk kanë dyshime në lidhje me këtë çështje, duke raportuar mbështetje të plotë nga Ronaldo për kthimin e mundshëm të “Max” në krye të Juventusit.
