Adrien Rabiot është kthyer në qendër të një gare intensive mes dy gjigantëve të Premier League: Manchester United dhe Newcastle.
Të dyja skuadrat janë të vendosura për të marrë shërbimet e mesfushorit francez, i cili është pa kontratë pasi marrëdhënia e tij me Juventus-in përfundoi më 30 qershor.
Ndonëse ka marrë oferta tërheqëse nga ekipe jashtë Evropës, Rabiot duket i vendosur për të vazhduar në futbollin europian, siç zbulon “Football Insider”.
Pengesa kryesore për nënshkrimin e tij është rroga e lartë që ai kërkon, një faktor që ka kufizuar opsionet për klubet e interesuara.
Pavarësisht kësaj, si Manchester United ashtu edhe Newcastle vazhdojnë të konkurrojnë, duke shpresuar të forcojnë skuadrat e tyre përkatëse.
Në rastin e “Djajve të Kuq”, ata e shohin Rabiot si një zgjidhje për të përmirësuar performancën në qendër të fushës, sidomos duke pasur parasysh dyshimet e krijuara për brazilianin Casemiro.
Nga ana e tyre, “Magpies” konsiderojnë se francezi mund të sigurojë soliditet dhe përvojë në mesfushën e ekipit të tyre.
Rabiot ka tërhequr edhe interesimin e Galatasaray-t, të cilët po i ofrojnë një paketë financiare tërheqëse. Megjithatë, futbollisti duket se po anon më shumë drejt Premier League-s, ku kërkon të vazhdojë karrierën në një ambient konkurrues.
Do të jetë interesante të shihet se cili ekip më në fund do të arrijë ta bindë francezin që t’i bashkohet projektit të tyre. /Albanianpost.com
