Kryeministri i Kosovës, Albin Kurti ka njoftuar se kanë anuluar vendimin për shpronësimin e pronave të cilat prekën nga realizimi i autostradës Prishtinë – Pejë.
Ndërkaq, ministri i Financave, Hekuran Murati, në mbledhjen e Qeverisë ka thënë se raporti i auditorit ka gjetur shkelje të shumta në vendim, transmeton Telegrafi.
“Qeveria me datën 17 dhjetor 2019 kishte nxjerrë vendim për shpronësimin e pronave të cilat preken nga realizimi i autostradës Prishtinë – Pejë. Objekti i shpronësimit i është nënshtruar auditimit, ku të gjeturat e auditorit shpërfaqin shkelje të shumta. Janë fryrë kostot në dëmtim të buxhetit”, ka thënë ai.
/Telegrafi/
