Regjistrimi i fëmijëve në gjendjen civile është i domosdoshëm. Pa certifikatë të lindjes fëmija në të ardhmen nuk mund të ketë qasje në shërbime shëndetësore, bankare e të tjera të domosdoshme. Ka raste kur prindërit nuk regjistrojnë fëmijët e tyre në gjendjen civile dhe është Qendra për Punë Sociale që ndihmon në plotësimin e dokumentacionit për regjistrimin e mëvonshëm të fëmijës.
Rastet mët të shpeshta të mosregjistrimit sipas Shehut, janë nga komuniteti rom, ashkalinjë dhe egjiptian.
Ndërsa arsyet që shpiejnë te mosregjistrimi i fëmijës kanë të bëjnë kryesisht me informimin jo të duhur.
Të gjithë ata që nuk kanë regjistruar akoma fëmijën e tyre mund të paraqiten në hapësirat e kësaj zyre e cila në bashkëpunim me institucionet gjegjëse e kryen procedurën e regjistrimit të vonshëm.
