Propozimi për njohjen e Kosovës nga Spanja votohet më 27 qershor

Liderja e deputetëve katalunas Miriam Nogueras në një përgjigje për Gazetën Express ka folur në prag të debatit që pritet të ndodh sot në Parlamentin e Spanjës rreth propozimit të “Junts” që Qeveria e Spanjës ta njohë pavarësinë e Republikës së Kosovës.

Ajo ka thënë se sot do të diskutohet në Parlament me fillim nga ora 17:00, derisa votimi do të ndodhë të enjten më 27 qershor.

Nogueras ka thënë se presin përkrahje të partive galiciane, baske dhe katalunase derisa ka theksuar se partia e kryeministrit Sanchez s’ka dhënë sinjale se do të përkrah nismën

“Debati është sot (e martë 25). Propozimi do të votohet të enjten më 27.Partia Socialiste e zotit Sanchez nuk ka shprehur ndonjë synim për të mbështetur nismën.”, ka thënë Nogueras për Express.

Deputetja katalunase ka thënë se kundërshtimi i njohjes së Kosovës e ka lënë Spanjën të dobët në sytë e ndërkombëtarëve dhe sipas saj votimi kundër nismës është një akt jokoherent nga ana e qeverisë spanjolle.

“Ata mendojnë se çdo njohje e pavarësisë së Kosovës mund të jetë një precedent për një njohje të ardhshme të një shteti të pavarur katalanas nga vendet e tjera. Kjo është frika e vërtetë pas qëndrimit të partive politike spanjolle”, ka thënë Nogueras të martën për Gazetën Express./GazetaExpres/

Read Previous

Kuka publikon listën e ekipit të xhudos për LO Paris 2024

Read Next

Suedia i bashkohet stërvitjeve të NATO-s si anëtare e plotë për herë të parë