Presidentja e Kosovës, Vjosa Osmani, në Budapest është takuar edhe me kryeministrin belg, Alexander De Croo.
Në një postim në profilin e saj në Facebook, Osmani ka potencuar se kryeministrit belg i ka shprehur mirënjohje për mbështetjen e palëkundur të Belgjikës për Kosovën.
Presidentja ka theksuar edhe rëndësinë e përmbylljes me sukses të procesit të anëtarësimit të Kosovës në Këshillin e Evropës dhe heqjes së masave ndaj Kosovës si një hap i domosdoshëm për të përparuar në rrugën evropiane.
“Në samitin e Komunitetit Politik Evropian, pata kënaqësinë të takohem edhe me kryeministrin belg Alexander De Croo, të cilit i shpreha mirënjohje për mbështetjen e palëkundur të Belgjikës për Kosovën. Gjithashtu, theksova rëndësinë e përmbylljes me sukses të procesit të anëtarësimit të Kosovës në Këshillin e Evropës dhe heqjes së masave ndaj Kosovës si një hap i domosdoshëm për të përparuar në rrugën tonë evropiane”, ka shkruar Osmani në Facebook. /GazetaSinjali/
