Kangaroo është gara më e popullarizuar në botë për matematikë, që ka për qëllim promovimin dhe popullarizimin e matematikës, si dhe përkrahjen e talenteve të fushës së matematikës. Për të gjashtin vit me radhë kjo garë është mbajtur sot në ambientet e shkollës së mesme të ulët “Zekeria Rexha”. Koordinatori regjional i garës dhe anëtar i bordit të po kësaj gare Pleurat Rudi tregoi mbi mbarëvajtjen e procesit që përfshin nxënës jo vetëm nga Gjakova.
Rudi shton se rezultatet llogariten në mënyrë elektronike dhe për nxënësit e dalluar është një tjetër nivel që quhet kangaroo plus.
Instituti Atomi ka për qëllim të përdorë garën e matematikës “Kangaroo” për të identifikuar talentet e rinj në fushën e matematikës në Kosovë, në mënyrë që të zhvillojë dhe avancojë talentin, dhe njohuritë në fushën e matematikës.
