Pjesëtarët e Njësisë Speciale Intervenuese të Policisë së Kosovës do të protestojnë sërish sot para ndërtesës së Qeverisë së Kosovës, dukë kërkuar rishikimin e kategorizimit për rrezikshmërinë në punë.
Njësia Speciale Intervenuese pritet që sot të protestojë me kërkesat e njëjta sikurse ato të 1 nëntorit që ndërlidhen me shtesat e rrezikshmërisë dhe të tjera.
Protesta do të mbahet nga ora 12:00 deri në 12:30
Protesta mbahet pavarësisht se kryeministri i Kosovës, Albin Kurti tha të mërkurën se nevojat, jo vetëm dëshirat, janë përherë e shumë herë më të thjeshta se zgjidhjet, pasi dy njësi speciale policore protestuan para ndërtesës së Qeverisë së Kosovës të martën e javës së kaluar, duke kërkuar rritje të shtesave për rrezikshmërinë në punë. /Sinjali/
