Gjykjata e Qarkut në Slavonski Bord, ka vendosur sot në mëngjes që shoferit të autobusit të linjës Frankfurt – Prishtinë, që dyshohet se shkaktoi aksidentin ku vdiqën 10 persona e u lënduan mbi 45, t’i caktohet masa e paraburgimit prej një muajsh, ka njoftuar Index.hr.
Aksidenti ndodhi të dielën në mëngjes në Slavonski Brod. Në autobusin e kompanisë Deva Tours, ishin 67 udhëtarë që po vinin në Kosovë për pushime dhe dy shoferë, njëri prej të cilëve vdiq.
Shoferi i autobusit, të hënën në intervistimin nga Prokuroria, u mbrojt në heshtje./Koha.net
