Presidenti rus, Vladimir Putin, po takohet me presidentin turk Recep Tayyip Erdogan në margjinat e një samiti në Kazakistan.
Më herët, një zyrtar i Kremlinit sugjeroi se Erdogan pritej të ofrojë “zyrtarisht” për të ndërmjetësuar bisedimet e paqes midis Rusisë dhe Ukrainës.
Udhëheqësi turk priti negociatat midis dy palëve menjëherë pasi Rusia pushtoi Ukrainën, por procesi dështoi.
Në korrik, Turqia ndihmoi gjithashtu për të ndërmjetësuar një marrëveshje për të lejuar anijet e grurit të niseshin nga portet e Ukrainës përmes Detit të Zi.
Takimi i fundit mes dy liderëve ishte ai i samitit rajonal që u mbajt në Uzbekistan muajin e kaluar.
Qeveria turke shpesh ka dënuar veprimet ruse në Ukrainë, po ajo nuk i është bashkuar sanksioneve që Perëndimi ka vendosur ndaj Rusisë.
Erdogan ka deklaruar se mund të bëjë bashkë Putin-in dhe presidentin ukrainas, Volodymyr Zelensky.
Kjo për të gjetur një rrugë drejt paqes.
Turqia bashkë me krizën ekonomike ka gjetur një faktor mbështetës te Rusia.
Kjo e fundit i ka ofruar Turqisë investime të huaja që janë shumë të nevojshme pasi vendi përballet me krizën ekonomike me inflacion masiv dhe rritje të çmimeve të ushqimeve.
Norma zyrtare e inflacionit raportohet në më shumë se 81%, por ekonomistët e pavarur besojnë se është edhe shumë më lart se kjo.
Rusia po siguron gjithashtu 20 miliardë dollarë për ndërtimin e një termocentrali në qytetin jugor Akkuyu.
Popullariteti i Erdoganit ka rënë në mes të ekonomisë në vështirësi, ndërsa zgjedhjet presidenciale dhe parlamentare të Turqisë janë planifikuar të mbahen në qershor të vitit të ardhshëm.
Sondazhet sugjerojnë se Erdogan do të përballet me garën e tij më të vështirë që nga ardhja në pushtet, me disa politikanë të opozitës që e mundin atë në garat kokë më kokë.
Turqia dhe Rusia, në anët e kundërta të Detit të Zi, kanë qenë historikisht rivalë dhe e kanë gjetur veten në anët e kundërta në disa fusha beteje përtej Ukrainës.
Ankaraja do të jetë shumë e vetëdijshme për dobësinë e saj në krahasim me Rusinë, e cila ka armë bërthamore dhe një vend të përhershëm në Këshillin e Sigurimit në OKB.
Por balanca e fuqisë me sa duket ka ndryshuar pas luftës së Rusisë në Ukrainë. /Albanianpost.com
