Gjatë orëve të para të së premtes u arrestua në tentativë për të kaluar kufirin midis Shqipërisë dhe Greqisë, Klodian Keqi, autor i dyshuar i vrasjes së 55-vjeçarit, Luan Hushi.
Në momentet e arrestimit, Keqit nuk i është gjetur armë, ndërkohë vijon puna për kërkimin e kallashnikovit që kreu vrasjen e bashkëfshatarit të tij.
Ngjarja e rëndë ndodhi mesditën e 10 gushtit, në fshatin Zgërdhesh të Krujës, në një zonë të pyllëzuar.
Shkak i vrasjes dyshohet se u bë një konflik banal për prerjen e druve në pyll.
Megjithëse u dërgua me urgjencë në Spitalin e Traumës, 55-vjeçari nuk arriti t’i mbijetojë plagëve të marra.
/Euronews Albania/
