Shoqata për krime lufte “Gjakova98-99” së bashku me vullnetarë të tjerë ka vendosur nëpër parqe, rrugë e sheshe të qytetit të Gjakovës fotografi të serbëve të dyshuar për krime në luftën e fundit të Kosovës.Dihet se krimet përfshijnë vrasje, keqtrajtime dhe shkatërrim të pronës..Sanije Berisha na tha se jo vetëm si anëtare e shoqatës por edhe si nënë që e ka humbur djalin kjo është më e pakta që mund të bëjmë.Cdoherë kemi paraqitur dëshmi e emra e këtë herë publikuam fytyrat e gjithsecilit që ka kryer krime, tha ajo.
E vetmja dëshirë e secilës familje që kanë humbur më të dashurit e tyre është që të dënohen të gjithë ata që kanë kryer këto krime.
Drejtuesja e Shoqatës për Krime Lufte “Gjakova 98-99”,Shkendije Hoda ka thënë për televizionin Syri se janë në përgatitje edhe të 100 padive të ngritura nga qytetarët e Komunës së Gjakovës ndaj kryerësve të këtyre veprave macabre.Përndryshe deri më tani janë dërguar 3500 padi në Policinë e Kosovës- Departmenti i Krimeve të Luftës si dhe në prokurinë speciale. Ky proces ndoshta do të zgjasë me vite, por jemi të bindur që rezultatet do të jenë pozitive thonë përfaqësues të shoqatës.
