Gjinekologjia është reparti më i madh në spitalin e përgjithshm “Isa Grezda” në Gjakovë. Kujdestaria e një mjeku këtu është 24 orë, ndërsa e infermierëve është 12 orë. Mjeku kujdestar Milan Berisha, tha që puna e kujdestarisë natën është punë me përgjegjësi të madhe duke e ditur faktin që nga këtu nis jeta.
Por, situata ka ndryshuar në raport me vitet e kaluara për shkak që ka rënë numri i lindjeve. Kohëve të fundit, mesatarisht brenda 24 orëve në këtë repart kryhen rreth 6 lindje ku rreth 30% e tyre kryhen me prerje cezariane.
Reparti, po ashtu ka të gjitha kapacitetet e nevojshme që duhet ti ketë një repart gjinekologjik.
Stafi i këtushëm thonë që, shqetësimi i vetëm vazhdonë të mbetet për vizitorët të cilët mund të bëhen bartës potencial të ndonjë virusi, duke e ditur që foshnja e sapolindur qëndron afër nënës së saj, dhe rrezikohet drejtëpërdrejt nga vizitorët.
