Ndërtesa e Qeverisë se Kosovës ndriçohet me ngjyrë rozë, në mbështetje të të prekurve me kancer të gjirit

Në mbështetje të të prekurve me kancer të gjirit dhe në kuadër të muajit tetor që njihet si muaj i ndërgjegjësimit kundër kancerit të gjirit, ndërtesa e Qeverisë së Kosovës, për simbolikë, është ndriçuar sonte me ngjyrën rozë.

Për këtë cështje, ka njoftuar Qeveria e Kosovës përmes faqës zyrtare në Facebook.

“Ndërtesa e Qeverisë së Republikës së Kosovës është ndriçuar me imazhin simbol të Muajit të ndërgjegjësimit për zbulimin e hershëm të kancerit të gjirit”, thuhej në njoftimin e Qeverisë./Sinjali/