Në mbledhjen e sotme Komisioni për Ekonomi ka votuar propozimin e Qeverisë për emërimin e anëtarëve të Bordit të ZRRE-së.
Edhe pse pati shumë kritika nga deputetët e opozitës, anëtarët e Komisionit për Ekonomi me shumicë votash kanë votuar propozimin e qeverisë me emrat për kandidatë për kryesues dhe anëtar të Bordit të Zyrës së Rregullatorit për Energji.
Kandidat për kryesues Bordi të ZRRE-së përveç, Vehbi Sofiu, është propozuar edhe Imer Fejzullahu, kurse për anëtar të Bordit janë propozuar Astrit Saraqini, Gani Buçaj, Arjeta Pajaziti Qerimi dhe Lutfije Dervishi.
Kryetari i Komisionit, Ferat Shala, tha se ka shkelje dhe veprime poitike për përzgjedhjen e këtyre anëtarëve për këtë bord.
Kurse deputeti nga AAK, Pal Lekaj, propozimin e qeverisë e quajti skandal dhe se është puro politik./GazetaSinjali
