Ministria e Jashtme e Iranit tha sot se “dënon fuqishëm” sulmet e Izraelit gjatë natës ndaj vendit dhe se sulmet përfaqësojnë një “shkelje të qartë të ligjit ndërkombëtar”.
Në deklaratë thuhej se Irani “pohon të drejtën dhe detyrimin e tij për t’u mbrojtur kundër agresionit të jashtëm” dhe se ishte i përkushtuar për të garantuar sigurinë e tij, por shtoi se vendi do të mbajë “përgjegjësitë e tij për paqen dhe stabilitetin rajonal”. Irani kishte deklaruar më parë se nuk po kërkon një luftë më të gjerë rajonale.
Deklarata përsëriti gjithashtu thirrjet për komunitetin ndërkombëtar që të ndalojë “veprimet gjenocidale të Izraelit kundër Gazës dhe Libanit”./NBCnews/
