Ministri i Punëve të Brendshme, Xhelal Sveçla ka pritur në takim ambasadorin e Turqisë në Kosovë

Ministri i Punëve të Brendshme, Xhelal Sveçla, ka pritur sot në takim ambasadorin e Turqisë në Kosovë, Çagri Sakar, i cili e ka uruar ministrin për marrjen e detyrës.

“Sveçla ka falënderuar ambasadorin turk për partneritetin dhe ndihmën që Turqia i ka ofruar në vazhdimësi Kosovës. Gjatë takimit Ministri Sveçla ka njoftuar ambasadorin Sakar me prioritetet e Ministrisë së Punëve të Brendshme, duke nënvizuar se luftimi i krimit të organizuar dhe korrupsioni janë kryefjala e kësaj qeverie”, thuhet në njoftim.

Nga ana tjetër ambasadori i Turqisë, Sakar ka shprehur përkushtimin e shtetit të tij për vazhdimin e bashkëpunimit me shtetin e Kosovës. /Telegrafi/

Read Previous

MPB: 48 shkelje të orës policore dhe 484 gjoba për mosmbajtje të maskave

Read Next

Arben Vitia thotë se ka kërkuar nga Hekuran Murati vazhdimin e shtesave për profesionistët shëndetësorë