Drejtorët e Milanit janë aktualisht në Nyon për të diskutuar situatën e Fair Play Financiar të klubit me UEFA-n dhe për të shmangur sanksionet e mundshme.
Takimi ishte dashur të mbahej shumë kohë më parë, por ishte shtyrë gjithmonë për shkak të pandemisë COVID. Kjo do të ndodhte pasi Elliott mori detyrën nga Yonghong Li.
Drejtorët e Milanit, Ivan Gazidis dhe Giorgio Furlani, i cili përfaqëson Elliott, do të takohen me anëtarët e Trupit të Kontrollit Financiar të Klubeve dhe, pas seancës dëgjimore dhe analizës së financave dhe parametrave të Milanit, UEFA do të marrë një vendim në lidhje me sanksionet e mundshme për kuqezinjtë.
Milani u përjashtua nga garat evropiane në vitin 2019 pas parregullsive në vitet 2014-17, gjatë pronësisë së ndryshme. Drejtorët kuqezi shpresojnë të shmangin sanksionet këtë herë.
Sipas SportMediaset, UEFA vlerëson kursin e ri të qëndrueshëm të Milanit.
Humbjet financiare janë reduktuar gjatë viteve të fundit, megjithëse rezultatet ende nuk janë në përputhje me rregullat e FFP.
Megjithatë, drejtorët e Milanit janë të sigurt se do t’i shmangin sanksionet edhe në dritën e reformës së re të Fair Play Financiar, e cila do të përfundojë deri në fund të sezonit. /Telegrafi/
