Tashmë është mësuar kundërshtari i parë i ekipit shqiptar Bad News Eagles, ata do të përballen me ekipin turk Eternal Fire, në ndeshjen e parë të grupit A të RMR të Evropës.
Në Malta ekipet do të garojnë për të siguruar pjesëmarrjen në turneun më të madh të CS:GO, IEM Rio Major, i cili do të mbahet në qytetin Rio de Janeiro të Brazilit.
Ekipi shqiptar ndeshjen e parë do ta zhvillojë me datën 4 tetor ndaj ekipit Eternal Fire, dhe i duhet të fitoj gjithsej tri ndeshje për të siguruar pjesëmarrjen në turneun Major.
Kjo nuk është hera e parë që dy ekipet takohen mes vete në një turne kualifikues për Major, ata u përballen edhe në Challengers Stage të PGL Antwerp Major, ku doli fitues ekipi Bad News Eagles.
Bad News Eagles janë pjesë e grupit A së bashku me shumë skuadra të mëdha botërore, ku bënë pjesë edhe ekipi më i mirë në botë FaZe.
Së fundmi ekipi Bad News Eagles, ka njoftuar se janë duke krijuar organizatën e tyre pasi nuk kanë arritur që të bëjnë marrëveshje me ndonjë organizatë ndërkombëtare.
/Telegrafi/
