Deri më tani, mbi 1 mijë persona kanë aplikuar për zëvendësimin e patentë shoferëve ilegalë serb në ata legalë të Kosovës.
Ministria e Punëve të Brendshme kishte njoftuar se nga data 10 maj do të fillonte konvertimi i patentë shoferëve ilegalë serb në ata legalë kosovarë.
“Në Leposaviq janë paraqitur 213 kërkesa, në Mitrovicën e Veriut 301, në Zubin Potok 139 dhe në Zveçan 156”, kanë thënë nga Policia e Kosovës në një përgjigje për median serbe me seli në Veri të Kosovës, “Kossev”.
Sipas të dhënave të Policisë së Kosovës, shumica e kërkesave janë dorëzuar në komunat në Veri të Kosovës – të banuar me shumicë serbe.
Ndryshe, vendimi për konvertimin e patentë shoferëve ka hyrë në fuqi më 9 maj dhe do të jetë i hapur për 3 muaj, saktësisht deri më 9 gusht 2024.
Pas skadimit të këtij afati, nga MPB kanë paralajmëruar se nuk do të jetë e mundur vozitja në Kosovë me patentë shoferë ilegalë serb./Albanianpost.com
