Presidenti i Francës, Emanuel Macron ka veçuar Ballkanin Perëndimor si një nga prioritetet e presidencës së ardhshme franceze të Këshillit të Bashkimit Evropian.
Në një konferencë për shtyp në Paris, Macron tha se një perspektivë e qartë evropiane e Ballkanit Perëndimor, investimi në unitetin e rajonit dhe ambiciet e përbashkëta të BE-së dhe rajonit janë punët për të cilat duhet punuar në periudhën e ardhshme.
“Ballkani Perëndimor është më shumë se një fqinjë. Ballkani është zemra e Evropës”, tha i pari i shtetit francez.
