Lionel Messi ka barazuar një rekord mbresëlënës të MLS, të mbajtur nga Carlos Vela.
Pas përjetimit të dy lëndimeve që e detyruan të humbasë disa ndeshje gjatë sezonit 2024, tetë herë fituesi i Topit të Artë ka arritur të shënojë 20 gola dhe të bëjë 16 asistime në MLS, duke kontribuar gjithsej 36 herë në gol. Ky rezultat e rendit atë të pestin në listat historike për një sezon.
Kontributet e Messit ndihmuan Inter Miami të fitojë “The Supporters’ Shield” (Mburojën e Mbështetësit), duke vendosur një rekord të ri për shumicën e pikëve në një sezon të rregullt. Tani, skuadra e ka synim Kupën MLS, me Messin që kalon në play-off pas një hat-trick të jashtëzakonshëm në vetëm 11 minuta në ndeshjen e fundit ndaj New England Revolution.
Me këto paraqitje, Messi mori titullin Lojtari i Ditës së Ndeshjes për herë të gjashtë këtë sezon, duke u radhitur me Carlos Vela dhe ish-trajnerin e Inter Miami, Jason Kreis, si lojtarët e vetëm që kanë arritur një arritje të tillë në një sezon të vetëm.
Në të njëjtën kohë, Messi ka bërë histori në MLS përkrah ish-yllit të Barcelonës, Luis Suárez, duke e bërë Inter Miami skuadrën e parë me dy lojtarë që arrijnë 20 gola në një sezon të vetëm të rregullt.
Hat-triku i Messit kundër Revolution e shpalli atë golashënuesin më të mirë të të gjitha kohërave për Inter Miami, me 33 gola në vetëm 36 ndeshje. Ai gjithashtu është lojtari i parë që kryeson listat për tri skuadra të ndryshme (Barcelona dhe Argjentina janë të tjerat). /GOAL.com/
