Lewis Hamilton ka vazhduar kontratën e tij me Mercedes, ekipin e Formula 1 (F1) me të cilin fitoi gjashtë nga shtatë titujt e tij botërorë, edhe për dy vite të tjera.
Britaniku, i cili mbërriti te Mercedes në vitin 2013 në moshën 28-vjeçare, do të qëndrojë në timonin e “Shigjetave të Argjendta” deri në moshën 40-vjeçare. Së bashku me Hamilton-in, edhe George Russell ka rinovuar kontratën, deri në vitin 2025.
Që kur iu bashkua ekipit, Hamilton ka arritur 82 fitore dhe 78 pole position për t’u bërë shoferi më i suksesshëm në historinë e Formula 1. 25-vjeçari Russell, gjithashtu britanik, iu bashkua Mercedes-it sezonin e kaluar, duke marrë një fitore deri më tani.
Nuk janë dhënë shifra zyrtare në lidhje me pagën e re të Hamilton. Megjithatë, media të ndryshme kanë raportuar shifrën prej 50 milionë paund në vit për pilotin anglez. Një shifër që do t’i lejonte Hamilton-it të kalonte kampionin në fuqi të botës, holandezin Max Verstappen të Red Bull, si piloti më i paguar i Formula 1. /Albanianpost.com
Pagat e Formula 1 2023 – Renditja e plotë:
Hamilton: 63 milionë dollarë
Verstappen: 55 milionë dollarë
Leclerc: 24 milionë dollarë
Norris: 20 milionë dollarë
Sainz: 12 milionë dollarë
Perez: 10 milionë dollarë
Bottas: 10 milionë dollarë
Russell: 8 milionë dollarë
Ocon: 6 milionë dollarë
Alonso: 5 milionë dollarë
Gasli: 5 milionë dollarë
Magnussen: 5 milionë dollarë
Albon: 3 milionë dollarë
Stroll: 2 milionë dollarë
Hulkenberg: 2 milionë dollarë
De Vries: 2 milionë dollarë
Zhou: 2 milionë dollarë
Piastri: 2 milionë dollarë
Tsunoda: 1 milion dollarë
Sargeant: 1 milion dollarë
