Presidentja e vendit, Vjosa Osmani ndodhet në Shtetet e Bashkuara të Amerikës, në kuadër të javës së nivelit të lartë të Kombeve të Bashkuara.
E gjatë qëndrimit atje ka takuar edhe të dërguarin e Bashkimit Evropian për dialogun Kosovë-Serbi, Miroslav Lajçak.
Ky i fundit në një postim në platformën X ka shkruar lidhur me takimin që ka pasur me presidenten e Kosovës, Vjosa Osmani.
“Para se të kthehem në Bruksel, u takova me Presidenten e Kosovës, Vjosa Osmani për të diskutuar rreth procesit të normalizimit. Vlerësoj mendimet dhe rekomandimet e saj se si të zbatohet Marrëveshja e Ohrit”, shkruan ai.
Ndryshe, e para e shtetit gjatë qëndrimit në SHBA ka zhvilluar disa takime në kuadër të javës së nivelit të lartë të Kombeve të Bashkuara. /Telegrafi/
