Subjektet politike kanë intensifikuar aktivitetet partiake në terren. Këtë radhë, kandidatja për kryetare nga LVV, Mimoza Kusari Lila e shoqëruar edhe nga u.d Ministrisw së Shëndetësisë, Dafina Gexha, takuan banorët e fshatit Zhdrellë të komunës së Gjakovës. Kusari këtu shpalosi disa nga projektet të cilat, sipas saj do të jenë në dobi të këtij qyteti.
“Nuk e di që ka rast më të mira Gjakova për këto zgjedhje sesa Kusari-Lila”, kështu pohoi nga u.d Ministrisë së Shëndetësisë, teksa ju drejtua banorëve të kësaj ane. Nga këtu Gexha, tregoi për përkrahjen e parezervë që ka për këtë kandidate.
LVV rrjedhën e takimeve e vazhduan edhe në fshatra të tjerë.
