Kryeministri pakistanez, Imran Khan fajësoi gratë për shtimin e rasteve e përdhunimit në vend aziatik.
Ai po përballet me reagime të ashpra pasi fajësoi viktimat e përdhunimit për veshjen e “shumë pak rrobave”.
Ish-kapiteni i kriketit u mor në pyetje nga gazetari i Axios, Jonathan Swan në lidhje me “epideminë e përdhunimit” në Pakistan.
“Nëse një grua ka veshur shumë pak rroba, kjo do të ketë një ndikim tek burri nëse ata nuk janë robotë”, tha 68-vjeçari, raporton theguardian.
Ai nuk dha hollësira se çfarë donte të thoshte me “pak rroba”, në një vend ku shumica dërrmuese e grave veshin veshje kombëtare konservatore.
Theksojmë se në fillim të këtij viti kryeministri u akuzua për “injorancë marramendëse” pasi i këshilloi gratë të mbuloheshin për të parandaluar përdhunimin.
Ndryshe, Pakistani renditet rregullisht ndër vendet më të këqija në botë për barazinë gjinore.
