Nga Qeveria e Kosovës kanë konfirmuar se kryeministri Albin Kurti do të kthehet sot në Kosovë.
Kryeministri tash e dy javë po qëndron jashtë Kosovës, ndërsa nuk dihej se kur do të kthehet në vend.
Në një përgjigje për lajmi.net. zëdhënësja e Qeverisë së Kosovës, Rozafa Kelmendi konfirmoi se Kurti do të kthehet sot në Kosovë.
“”Kryeministri i Republikës së Kosovës, z.Albin Kurti, do të kthehet në Kosovë gjatë ditës së sotme”, thuhet në përgjigjen e Kelmendit.
Kujtojmë se Kurti kishte udhëtuar në Greqi në fillim të këtij muaji, ku ishte i ftuar në një simpozium, ndërsa më pastaj mori rrugën për në Francë.
Pas qëndrimit në Francë, ku përcolli nga afër Fesitalin e Filmit, kryeministri kishte udhëtuar në Belgjikë.
Në Bruksel, Kurti të hënën zhvilloi takimin e radhës me presidentin serb, Aleksandër Vuçiq, në ndërmjetësimin e BE-së. /Lajmi.net/
