Kompania Rajonale e Ujësjellësit “Gjakova” me synim të marrjes së masave emergjente për mbrojtjen e Liqenit konfor ligjit në fuqi në Kosovë, mbi Ujërat,e në zbatim të Urdhëresës Administrative Nr. 15/2017, urdhëron Shoqatat e Peshkatarëve dhe gjithë qytetarët të zbatojnë masat e ndaluara të përcaktuara me dispozita ligjore si:
Shfrytezimi i të gjitha llojeve të mjeteve të lundrimit me mjete motorike
Sportet e ujit, peshkimi sportive dhe kultivimi i peshkut
Ndalimi i të gjitha sporteve në ujë, shfrtezimi i të gjitha llojeve të mjeteve lundruese dhe larjet.
Shkarkimi i ujërave të ndotura, deponimi i mbeturinave, mbajtja dhe frunizimi me ujë i kafshëvve, qarkullimi publik i automjeteve dhe këmbësorëve, eksploatimi i rërës dhe zhavorit.
Por ky vendim nuk po ju pëlqen Shoqatës së peshkatarëve sportiv rekreativ “Ereniku”, pasi që kjo ndalesë po i dëmton në sportin e tyre. Kryetari i kësaj shoqate Flamur Xhepa është shprehur se si shoqatë e peshkatarëve e kanë të lejuar peshkimin nga KRU “Gjakova” ne liqenin e Radoniqit për vitin 2021. Ai poashtu ka thënë se peshkatarët edhe qytetarët hudhin mbeturina por që në bashkëpunim me kompaninë e ujësjellësit kanë bërë pastrimin e liqenit ku kanë hequr qindra thasë me mbeturina
Tutje Xhepa ka shtuar se kërkon edhe një herë të rishikohet kjo urdhëresë pasi që këtë vendim e ka lëshuar Ministria e Ambientit dhe se sipas tij mos është keqkuptuar kjo ndalesë, ai poashtu ka kerkuar të rishikohet edhe Zona A.
Theksojmë se KRU “Gjakova” ka publikur këtë urdhërese në faqen e saj zyrtare dhe e njejta ka hyrë në fuqi pas ditës së nënshkrimit.
