Policia e Kosovës ka njoftuar se KFOR-i ka hasur në një veturë të braktisur, e cila dyshohet se kishte mall të kontrabanduar në fshatin Bubë të Zubin Potokut.
Lajmi është bërë i ditur përmes raportit 24 orësh të PK-së.
“Njësiti i KFOR-it ka hasur në një veturë të cilën e kishte braktisur një i dyshuar i cili kishte ikur nga vendi i ngjarjes”, thuhet në raport.
Në veturë kishte birra dhe siç njoftohet ato janë dërguar në terminalin doganor.
Në fshatin Postenjë të Leposaviqit, Policia ka ndaluar një person, pasi që dyshohet se e ka kaluar ilegalisht kufirin.
“Policia kanë ndaluar të dyshuarin mashkull kosovar, pasi që të njëjtin kanë vërejtur, duke kaluar ilegalisht kufirin Serbi Republikë e Kosovës”, kanë njoftuar PK-ja.
I dyshuari është intervistuar dhe me vendim të prokurorit është liruar. /Albanianpost.com
