KB “Gjakova e re” aktualisht bën gara në ligën e dytë të basketbollit të Kosovës, në divisionin e perëndimit, ku nga 8 ndeshje të zhvilluara i ka të regjistuara 7 fitore dhe një humbje, duke qenë kështu kryesuese e tabelës në divisionin përkatës.
Erjon Qarkaxhija, ndihmës trajner i këtij klubi na tha që qëllimi kyç i skuadrës është ngjitja në Ligën e Parë të basketbollit të Kosovës.
Qarkaxhija gjithashtu bëri të ditur që në kuadër të playoff zhvillohen 4 ndeshje.
Përveç paraqitjeve të suksesshme në kuadër të Ligës së Dytë, Gjakova e re këtë sezon u bë skuadra e parë që bë bashkëpunim me Federatën e Basketboliit të Kosovës, organizuan Final Four-in e kësaj Lige.
Ndër të tjera u tha që organizimi, fokusi, dhe përgatitja fizike e basketbollistëve, janë elementet kryesore që e kanë ndihmuar klubin të arrijë këto rezultate, duke synuar inkuadrimin në Ligën e Parë të Basketbollit kosovar.
