Jasharaj i bën thirrje Kurtit të kthehet nga Amerika: Ose bisedojmë, ose shkojmë në grevë

Kryetari i SBASHK-ut, Rrahman Jasharaj, ka folur para të pranishmëve në protestën e punëtorëve të sektorit publik.

Jasharaj ka thënë se Qeveria po e sheh tani se nuk po flasin individët, por po flasin punëtorët e Kosovës, shkruan lajmi.net.

Ai madje i bëri thirrje Kurtit edhe të kthehet nga Amerika.

“Qeveria po e sheh se nuk po flet Atdhe Hykolli e Rrahman Jashari, por po flet punëtoria e Kosovës. Qeveri, këta janë njerëzit tu, është turp të qëndroni nën hije, e në Amerikë, e të mos vini këtu, e ta thuani të vërtetën para këtyre njerëzve që po rrijnë në diell”, tha Jasharaj.

Jasharaj paralajmëroi edhe grevë të përgjithshme në rast se nuk ka reflektim nga Qeveria ndaj kërkesave.

“Në të kundërtën, pas kësaj proteste, do të ketë veprime edhe më të rënda, që ne nuk i duam, por ju siç duket po i doni. Heshtja e Qeverisë, nënkupton se ata e dijnë që ne kemi të drejtë. Ne duam Ligj të Pagave, por jo Ligj që na e punon dikush, por që e punojmë edhe ne”, tha Jasharaj.

“Ose do të bisedojmë, ose do të shkojmë në greva të përgjithshme”, tha Jasharaj. /Lajmi.net/

Priten rreth 10 mijë protestues”, BSPK nesër protestë masive: Qeveria duhet  të reflektojë

Read Previous

Mbappe afër rinovimit të kontratës me PSG

Read Next

Szunyog drejtuar Qeverisë: Zbatojeni me shpejtësi vendimin për Manastirin e Deçanit