Ish-presidenti finlandez, Sauli Niinisto, po përgatitet t’i rekomandojë Komisionit të Ursula von der Leyen krijimin e një qendre për mbledhjen e informacionit të inteligjencës, që mund të përbëjë embrionin e një shërbimi sekret evropian.
Kjo me qëllim adresimi i kërcënimeve nga aktorët e huaj dhe reagimi më efektiv ndaj spiunazhit në BE.
Lajmi u dha nga Bloomberg.
Niinisto u ngarkua nga von der Leyen për të hartuar një raport mbi përgatitjen, gatishmërinë dhe mjetet e mbrojtjes së BE-së, pas luftës së agresionit të Rusisë kundër Ukrainës.
Shërbimi i ri i inteligjencës do të mbledhë në mënyrë të pavarur informacionin mbi kërcënimet nga përtej kufijve të BE-së, në vend që të mbështetet në ndarjen nga shtetet anëtare.
Niinisto pritet të propozojë zgjerimin e mandatit të Qendrës së Inteligjencës dhe Situatës së BE-së, duke përfshirë përdorimin e delegacioneve të BE-së në mbarë botën, për të paralajmëruar për rreziqet.
Raporti duhet gjithashtu të rekomandojë forcimin e mbrojtjes kundër spiunazhit duke harmonizuar kuadrin ligjor.
Propozimet e Niinisto rrezikojnë të shihen si një provokim nga shtetet anëtare, të cilët gjithmonë kanë kundërshtuar forcimin e fuqive të BE-së mbi inteligjencën. /Albanianpost.com
