Vetëm dje Sinjali raportoi për dhunimin e dy të miturave nga dy burra në rajonin e Ferizajt. Por ngjarjet e tilla, të trishta nuk po kanë të ndalur.
U mësua se një dhunim në tentativë ka ndodhur dje, në fshatin Brod të Shtërpcës, rreth orës 21:30.
Burimet e Prokurorisë Themelore në Ferizaj, njoftuan se e kanë kapur një djalë të mitur i cili tentonte ta dhunonte një vajzë të mitur.
Lidhu me këtë ngjarje, këto burime bënë me dije se viktima e mitur, është dërguar në spital për trajtim mjekësor, ndërsa personi i arrestuar është dërguar në mbajtje.
Rasti është iniciuar si “dhunim në tentativë”.
/GazetaSinjali/
