• 6 July, 2022

I hapet rruga anëtarësimit? Parlamenti suedez diskuton sot për NATO-n

Parlamenti i Suedisë do të zhvillojë një debat sot mbi anëtarësimin e mundshëm të vendit në NATO.

Kjo vjen pasi socialdemokratët në pushtet njoftuan të dielën se tani mbështesin bashkimin me aleancën ushtarake, që do të thotë se ka një shumicë të fortë parlamentare në favor.

Për rrjedhojë, kjo mund të hapë rrugën për një aplikim zyrtar ditën e sotme ose në ditët në vijim.

Ministri suedez i Mbrojtjes Peter Hultqvist u tha mediave vendase se një delegacion suedez do të takohet me zyrtarë në Turqi, i vetmi anëtar i NATO-s që ka ngritur shqetësime për anëtarësimin e vendit në NATO. /abcnews.al

Read Previous

Konjufca në 23 vjetorin e zhdukjes së Ukshin Hotit: Serbia nuk ka dhënë fare përgjegjësi

Read Next

​Bislimi: Aplikimi në Këshillin e Evropës është në koordinim me partnerët e Kosovës