Erling Haaland, një nga yjet e Manchester City, u shpreh se ai dhe të gjithë lojtarët, vazhdojnë të besojnë në “procesin” dhe drejtimin e Pep Guardiola, pavarësisht rezultateve të kohëve të fundit. Shanset për të siguruar një titull të pestë radhazi në Premier League duken të vakta duke parë shkëputjen e rivalëve.
“Citizens” vijnë nga humbja zhgënjyese në derbi ndaj Manchester United, disfatë që erdhi në 5 minutat e fundit të ndeshjes. “Ne nuk jemi ende afër nivelit tonë, por unë ende besoj se po luajmë mjaft mirë për të marrë pikë dhe rezultate”, tha sulmuesi norvegjez.
“Mendoj se gjithçka ka të bëjë me të qëndruarit të fokusuar gjatë gjithë 90 minutave. Thjesht duhet të përqendrohemi siç duhet. Duhet të qëndrojmë së bashku, të rigrupohemi dhe të besojmë në veten tonë pas asaj që kemi arritur në të kaluarën”, shtoi më tej Haaland.
Në fund, edhe një koment për trajnerin Pep Guardiola: “Ne vazhdojmë të besojmë në procesin e ringritjes së klubit dhe te trajneri ynë. Jam i sigurt se nëse e bëjmë këtë, do të kthehemi në mënyrat e fitoreve dhe do të kthehemi në nivelin tonë”. /Telesport.al/
