Kryetari i Gjakovës Ardian Gjini, është shprehur i pikëlluar për vdekjen e tre të rinjve nga Gjakova që humbën jetën në aksidentin tragjik në autostradën në dalje të Prizrenit.
Gjini tha se kjo ngjarje tragjike ka goditur rëndë 3 familje, por dhimbje për këtë humbje ka sot secili.
“Në emër të qytetarëve të Gjakovës ngushëlloj familjet Syla, Delija dhe Bibaj për humbjen e bijve të tyre”, tha Gjini.
Aksidenti ka ndodhur mbrëmë në autostraden “Ibrahim Rugova”.
Si pasojë tre persona vdiqën e tre të tjerë u lënduan.
Dyshohet se deri tek ngjarja tragjike erdhi pas një gare automobilistike, ku njëri nga dy makinat që po garonte e humbi kontrollin dhe i goditi disa nga këmbësorët aty.
