Gjermania ka ndaluar procesin e certifikimit për gazsjellësin e diskutueshëm Nord Stream 2, si reagim ndaj njohjes nga Rusia të republikave të vetëshpallura në Luhansk dhe Donetsk në Ukrainën lindore, ka njoftuar kancelari Olaf Scholz.
Të martën në mëngjes, ministri gjerman i energjisë, Robert Habeck, udhëzoi tërheqjen e një vlerësimi pozitiv të kërkuar për të autorizuar tubacionin midis Rusisë dhe Gjermanisë.
“Pa këtë certifikim Nord Stream 2 nuk mund të hyjë në punë”, tha Scholz në një konferencë shtypi në Berlin në mesditë.
Udhëheqësi gjerman e përshkroi njohjen nga Putini të territoreve të kontrolluara nga Rusia si një “shkelje të rëndë” të ligjit ndërkombëtar që shkeli marrëveshjet dekadash midis Rusisë dhe perëndimit.
/Paparaci/
