Forcat ushtarake izraelite përparuan sot në distriktin Sejaia të Gazës veriore, gjithashtu edhe në përëndim të Rafah. Banorët e zonës thanë se të paktën gjashtë palestinezë u vranë dhe disa shtëpi u shkatërruan.
Tanket izraelite, të cilat ishin kthyer në Sejaia katër ditë më parë, qëlluan mbi disa shtëpi, duke lënë familje të bllokuara brenda.
Forcat izraelite njoftuan se njësitë e tyre ushtarake që vepronin në Sejaia dje vranë disa persona të armatosur palestinezë, sekuestruan armë dhe shkatërruan infrastrukturën ushtarake./AlsatM
