Aksidentohet një kamion me një veturë në Gjakovë, lëndohet një person
Dokumentet e Football Leaks, hetimi që zbuloi keqpërdorimet nga Cristiano Ronaldo, Jose Mourinho dhe Lionel Messi, kanë nxjerr në dritë pagesat e bëra nga Barcelona për Enriquez Negreira dhe Josep Contreras. Në hetimet e Football Leaks është edhe InfoLibre së bashku me media të tjera si Der Speigel, të cilat tashmë kanë nxjerrë detaje të reja.
Për 24 vjet, Barça bënte pagesa të çuditshme. Disa prej tyre në dy kompani me të njëjtin emër, por me radhë të ndryshme të shkronjave të tyre: Nidsal SCP (Shoqëria Civile Private) dhe Dasnil 95 SL. Këto të dhëna tregojnë edhe pagesat ndaj Javier Enriquez, djalit të Negreiras, përmes kompanisë Soccercam SL.
Pati edhe pagesa për Tresep 2014 SL, një menaxher i Barçës që vdiq tre muaj më parë. Ish-menaxheri, sipas informacioneve, ka ngarkuar komisione deri në 50 për qind krahasuar me atë që i ka paguar Javier Enriquez.
Nga Fotball Leaks kanë pasur qasje në exel ku shfaqen pagesat e bëra nga viti 2001 deri në vitin 2018 sipas muajve dhe sezoneve, me TVSH-në e specifikuar. Negreira faturoi 135,227,74 euro dhe 163,625,56 euro nëse shtohet 21 për qind TVSH menjëherë pas krijimit të kompanisë në vitin 1995. Në atë kohë presidenti i Barçës ishte Joan Gaspart.
Joan Laporta i bllokoi këto pagesa nga vitet 2005/2006 për Nilsad, ndërsa Sandro Rosell dhe Jose Maria Bartomeu vazhdoi faturimin deri në 2015/2016.
“Ata kanë ndryshuar në mënyrë të njëanshme emrin e kompanisë duke argumentuar ndryshimet rregullatore në lidhje me SCP, pa u zgjatur më tej”, shpjegoi Manel Mangado, kreu i Thesarit të Shtetit.
Një shumë e madhe parash
Sipas Football Leaks, Negreria u akuzua nga viti 2001 deri në 2015. Akuzat e tij u rritën nga 200,000 euro në 729,000 euro në vitin 2014. Konceptet më të zakonshme ishin “këshilla teknike video” dhe “regjistrimi i ndeshjeve të ekipit spanjoll në garat evropiane”.
Bie në sy fakti që Negreira ka marrë 100.569 euro në qershor të 2015-ës për “regjistrimin e ndeshjeve të skuadrave spanjolle në garat evropiane”.
Koncepte të tjera gjatë këtyre viteve ishin për “ofrimin e shërbimeve të ndryshme edukative-sportive”, me nxjerrjen e “raporteve për pjesëmarrjen e aktorëve të ndryshëm në garat e ndryshme sportive dhe monitorimin e aspekteve që mund të jenë me interes në të ardhmen në fusha arsimore-sportive”. /Telegrafi/
