Këta fëmijë të vegjël të kopshtit “Ganimete Tërbeshi” me përkushtim mjaft të madh përgatitën çdo gjë për festën e 28 Nëntorit. Së bashku me edukatoret sollën një program të larmishëm kulturor. Gjithçka ishte punuar deri në finesë saqë vet prezenca e tyre në skenë me simbole festive të sillte emocion.
Fillimisht u intonua himni i flamurit dhe të vegjëlit qëndruan në skenë.
Më pas vazhduan interpretimet e tyre me vargje të bukura plot emocion dedikuar ditës së flamurit.
Krahas interpretimeve skenike, të vegjëlit shkëlqyen edhe në vallëzim. Secili hap i tyre qëndronte i detajuar mirë me lëvizjen që i bënte ata të duken shumë bukur gjatë përformimit.
Këta fëmijë dinin edhe të aktronin. Disa prej tyre e sfiduan vetën edhe në dramë e cila u mirëprit mjaftueshëm nga të pranishmit.
Performancat e shkëlqyra të këtyre fëmijëve të vegjël e dëshmojnë më së miri se këta po rriten në frymën e dashurisë për kombin.
