Fëmijët e fshatit Jahoc janë të detyruar të kalojnë çdo ditë nga kjo urë e ngushtë dhe e dëmtuar për të shkuar tek transporti që i dërgon ata në shkollën e fshatit Brekoc. Është ura që lidh fshatin Jahoc me fshatin Meje. Banorët këtu thonë që premtime kanë marrur shpesh për ndërtimin e kësaj ure mirëpo asgjë konkrete nuk është ndërmarrë prej vitesh.
Shqetësimi rritet më shumë në stinën e dimrit, sepse kjo urë mbulohet tërësisht nga bora dhe akulli, ku për pasojë kalimi mbi urë rëndohet bashkë me rrezikshmërinë e të gjithë atyre që frekuentojnë urën e sidomos nxënësit thonë banorët. Ata kërkojnë mirëqenie për fëmijët e tyre.
Krahas gjendjes së keqe të urës, banorët e këtushëm nuk kanë as ndriçim publik e as transport për nxënësit.
Fshati Jahoc numëron afërsisht 30 fëmijë, dhe se këta fëmijë meritojnë të shkollohen dhe të kenë kushtet elementare për jetesë thonë banorët.
