Bordi Mbikëqyrës i ndërmarrjes “Trepça” të premten ka emëruar Faton Ahmetin si ushtrues detyre të kryeshefit.
Këtë e ka bërë të ditur kjo ndërmarrje në orët e vona të së premtes.
Ahmeti që deri tash e kishte pozitën e zëvendëskryeshefit do ta zëvendësojë Bashkim Kurtin.
Më 23 korrik, Gjykata Themelore në Mitrovicë anuloi emërimin e Bashkim Kurtit në pozitën e kryeshefit të “Trepçës” pas ankesës së kundërkandidatit Burim Asllani, i cili pretendoi se pati parregullsi në procesin e përzgjedhjes nga Bordi.
Bashkim Kurti ishte emëruar si kryeshef ekzekutiv në janar të këtij viti.
