Vëzhguesit thonë se përparimi në thelb ka qenë dhimbshëm i ngadalshëm në prag të bisedimeve në Busan, Koreja e Jugut — dhe nganjëherë i penguar në mënyrë aktive nga vendet e prirura për të hedhur poshtë çdo traktat përfundimtar.
Vendet e Bashkimit Evropian janë pjesë e një koalicioni që kërkon shkurtime në prodhimin e plastikës së re “të virgjër” të shkruar në traktat.
Ministrja franceze e Ekologjisë, Agnes Pannier-Runacher tha se mungesa e ministrave në bisedime “tregon mungesë vullneti për të bashkuar një traktat shumë ambicioz”.
Ajo u tha ligjvënësve në Paris të mërkurën se nikoqirët e Koresë së Jugut nuk kishin “ftuar ministrat për t’i dhënë bisedimeve vrull politik në mënyrë që të mund të gjendet një kompromis” kur 175 vende të mblidhen në Busan më 25 nëntor.
Hungaria, e cila mban presidencën e rradhës të BE-së, u ka kërkuar të 27 vendeve anëtare që të dërgojnë ministra në bisedime për të përforcuar “përpjekjet kolektive të Bashkimit Evropian në luftën kundër ndotjes plastike”.
Prodhimi i plastikës është dyfishuar në 20 vjet dhe me ritmet aktuale mund të trefishohet deri në vitin 2060, sipas Organizatës për Bashkëpunim dhe Zhvillim Ekonomik (OECD).
Megjithatë, mbi 90 për qind e plastikës nuk riciklohet, dhe pjesa më e madhe e saj hidhet në natyrë ose groposet në deponi./france24/
