22 vite në rrugë, protesta, aktivitete në Gjakovë e në tërë Kosovën, nënat e Gjakovës që nuk u lodhën kurr së kërkuari bijtë e tyre. Ato vazhdimisht bënë përpjekje për të treguar dhimbjen që tashmë ishin mësuar të jetonin me të. Këto heroina u mishëruan me rrugën që ishte e vetmja shpresë për rikththimin e më të dashurve të tyre.
Në “Ditën ndërkombëtare të të zhdukurve”, nëna Nesrete Kumnova ende kërkon birin e saj, Albionin, i cili edhe pas 22 vjetësh figuron i zhdukur. Ajo thotë që institucionet vazhdimisht kanë folur për të zhdukurit por që të njejtit shumë pak kanë bërë në këtë drejtim. Ajo kërkon gjithashtu që edhe familjarët e të zhdukurve të gëzojnë benfite të tjera karshi institucioneve.
Edhe nëna Luljeta Sharani, kërkon që varret mos të hapen më, sepse bashkë më varret hapen edhe plagët e familjarëve. Falë mundit dhe sakrificës së tyre është bërë edhe zbardhja e fatit të shumë personave.
Në komunën e Gjakovës ende janë të pagjetur 32 persona kurse në të gjithë Kosovën janë 1643 të zhdukur nga lufta e fundit në Kosovë.
