Dogana e Kosovës të premten ka njoftuar për arrestimin e dy personave në Prishtinë, të cilët dyshohen për shmangie nga detyrimet doganore dhe dëmtimin e plumbave zyrtare.
Personat e arrestuar, sipas njoftimit të Doganës, janë pronari i mallit dhe shoferi i kamionit – të cilët dyshohet se kanë kryer veprat penale në dy raste të veçanta.
“Në mënyrë të veçantë dyshohen për manipulimin e mallrave gjatë procedurave doganore, duke synuar shmangien e pagesës së detyrimeve doganore dhe shkeljen e sigurisë së plombave zyrtare të vendosura nga Dogana e Kosovës”, thuhet në njoftim.
Të dyshuarit janë ndaluar për 48 orë./Koha.net
