Një Donald i ri, “por i mendshëm”.
Në qarqet konservatore u pëlqen ta quajnë atë, Ron DeSantis.
Vetëm 44 vjeç, i martuar me ish-prezantuesen televizive Casey, tre fëmijë të gjithë me M (Madison, 5, Mason, 4 dhe Mamie, 2), DeSantis kishte fituar në 2018 në Florida me vetëm 30 mijë vota.
Kjo, falë bekimit të ish-presidentit.
Këtë vit, në një shtet që dikur konsiderohej si një “fushë beteje” dhe tani është gjithnjë e më shumë republikan, rizgjedhja e tij nuk u vu kurrë në pikëpyetje edhe pse kundërshtari i tij ishte ish-kongresmeni dhe ish-guvernatori i njohur Charlie Crist.
Në fjalimin e tij të fitores, DeSantis foli qartë si shembull për republikanët dhe si dikush, ngritja politike e të cilit sapo ka filluar.
“Mbijetesa e eksperimentit amerikan kërkon një ringjallje të parimeve të vërteta amerikane”, i tha ai Qendrës së Konventës Tampa. “Ne ofrojmë një rreze shprese: ditë më të mira na presin”.
Por si arriti DeSantis të shndërrohej brenda pak vitesh nga një fitues i kapelës së thyer në flamurtarin e fundit të kryqëzatave të identitetit konservator dhe një kandidat i mundshëm presidencial për vitin 2024?
Guvernatori, i cili gjithashtu ka studiuar në Harvard dhe Yale, ka një katalog të madh armiqsh: teoria kritike e racës (një teori akademike e racizmit të qenësishëm të ligjit amerikan), imigracioni i pakontrolluar, gjyqtarë të financuar nga Soros, atletët transgjinorë, Disney (një simbol i kapitalizmit të krahut të majtë dhe një viktimë e gatshme e kulturës së anulimit), distopia Fauciane.
Pikërisht me COVID-in nisi ngritja e tij kombëtare, kur ai zbuloi – duke luftuar kundër distrikteve shkollore për të eliminuar maskat dhe mësimet në distancë edhe në momentet më dramatike të infeksionit – që klasat mund të bëheshin fushëbeteja e privilegjuar e luftërave të reja kulturore.
Brenda pak muajsh miratoi ligjin “Stop Woke Act”, i cili kufizon mënyrën se si mund të mësohen temat që lidhen me racën dhe u lejon prindërve të padisin shkollat dhe mësuesit në rast shkeljesh, dhe më pas ligji për të drejtat e prindërve në arsim, i riemërtuar nga kritikët “Don ‘t Say Gay”, “Don’t Say Gay”.
Kjo e fundit, ndalon të flitet për orientimin seksual dhe identitetin gjinor në shkollën fillore dhe e kufizon diskutimin në shkollën e mesme.
Nga ana tjetër, DeSantis e kishte thënë: “Nuk do të lejojmë që paratë e taksave të Floridës të shpenzohen për të mësuar fëmijët të urrejnë vendin tonë apo të urrejnë njëri-tjetrin”.
Vitet e fundit, DeSantis, i cili e ka gjetur veten rival-kumbar në shtëpi që kur ish-presidenti vendosi selinë e tij në Mar-a-Lago, është përpjekur t’i shpëtojë çdo konflikti me Trump, por ka rënë me bërryl për të marrë hapësirën e tij.
Ndërsa zotohej se do të fokusohej në Florida, ai ka bërë një turne në vend prej javësh dhe shpesh prezantohet në qarqet ultra-konservatore si “presidenti i ardhshëm i Shteteve të Bashkuara”.
Prezantuesi më i ndjekur i podcast-it në Amerikë, Joe Rogan, brohoriti për të, miliarderi Peter Thiel është me të, madje edhe Elon Musk ka thënë se do të votojë për të.
E gjitha kjo nuk u mirëprit mirë nga Trump. /Albanianpost.com
