Çmimet e internetit për telefona mobil në botë dhe në cilën pozitë renditet Kosova

Cable.co.uk ka publikuar një raport interesant për tregun botëror të internetit në telefonave të mençur, apo të dhënat celulare. Janë analizuar 233 vende dhe janë mbledhur të dhëna për çmimet e të dhënave celulare në këto vende.

Raporti i Cable.co.uk bazohet në koston e 1 GB të dhënave celulare. Çmimi më i ulët për të dhënat celulare është në Izrael, qytetarët e të cilit paguajnë vetëm 0,04 dollarë amerikanë për 1 GB internet në telefon.

Kosova zë vendin e 91-të në renditjen botërore ku 1GB kushton mesatarisht 1.2 euro, gjegjësisht çmimin më i lartë është 1.99.

Shteti me internatin më të lirë për telefon pas Izraelit është Italia, ku 1 GB për celularë kushton mesatarisht 0.12 dollarë amerikanë. Vendi i tretë i takon San Marinos me 0,14 dollarë amerikanë për 1 GB, ndërsa në Fixhi çmimi është 0,15 dollarë. Vendin e pestë e mbyll India, ku çmimi është 0.17 dollarë.

Raporti zbulon se çmimet e ulëta të vendeve të përmendura mund t’i atribuohen njërit prej dy faktorëve – infrastrukturës së shkëlqyer ose përdorimit të lartë të të dhënave celulare.

Kur bëhet fjalë për internetin celular më të shtrenjtë në botë, me një çmim mesatar prej 41,06 dollarë, ishulli i Shën Helena ka internetin celular më të shtrenjtë në botë. Ky vend administrativisht i përket territorit britanik përtej detit të Shën Helena, Ascension dhe Tristan da Cunha. Çmimi i 1 GB internet celular në Ishujt Falkland është 35,45 dollarë, në shtetin e Saint Thomas dhe Principe çmimi është 29,49 dollarë, në Tokelau çmimi është 17,88 dollarë, ndërsa lista e Top 5 vendeve më të shtrenjta me internet celular është mbyllur nga Jemeni me një çmim prej 16,58 dollarë për 1 GB.

Këto vende mund t’i atribuojnë çmimet e larta infrastrukturës së dobët dhe konsumit të ulët.

Sa i përket vendeve të rajonit, Serbia është e 56-ta me një çmim prej 0,76 dollarësh, Mali i Zi është i 36-ti me një çmim prej 0,70 dollarësh, Kroacia është e 124-ta me një çmim mesatar prej 1,84 dollarësh, Bosnja dhe Hercegovina është në vendin e 163 me një çmim mesatar prej 2,82 dollarësh për 1 GB e të dhënave celulare, ndërsa Sllovenia zuri vendin e 117-të me një çmim prej 1.62 dollarësh. /Telegrafi/