Presidenti Joe Biden zhvilloi të mërkurën një bisedë telefonike me Presidentin ukrainas Volodymyr Zelenskyy lidhur me ndihmën për mbrojtjen e Ukrainës në luftën e saj kundër agresionit rus.
Biden njoftoi gjithashtu një paketë ndihme në fushën e sigurisë prej 425 milionë dollarësh për Kievin, që përfshin kapacitete shtesë të mbrojtjes ajrore, raketa tokë-ajër, automjete të blinduara si dhe të tjera armatime thelbësore për të trajtuar nevojat urgjente ushtarake të këtij vendi.
Shtetet e Bashkuara do të furnizojë Ukrainën me më shumë pajisje në muajt e ardhshëm, mes tyre qindra raketa interceptuese, dhjetëra sisteme taktike të mbrojtjes ajrore, e sisteme shtesë artilerie, qindra transportues të blinduar dhe automjete luftarake për këmbësorinë.
Muajin e ardhshëm Presidenti Biden pritet të drejtojë një takim virtual të Grupit të Kontaktit për Mbrojtjen e Ukrainës për të koordinuar ndihmën ndërkombëtare për këtë vend.
Zelensky planifikon të nxisë objektivin e vendit të tij për t’u anëtarësuar në NATO të enjten, gjatë një takimi në Bruksel me ministrat e mbrojtjes të aleancës.
Por shefi i NATO-s Mark Rutte tha se ka ende çështjet “të vështira” që duhen zgjidhur, përpara se Ukraina të anëtarësohet në aleancë./VOA
